Батыс пен Шығыстың мәдениеті мен тархын, салт-дәстүрін тоғыстырған Түркия саяхатшылар мен туристерге әр аймақтың өзіне тән ерекшелігі бар асханасымен, дәмді тағамымен де қызықты. Соңғы жылдары жас жұбайлар Стамбұл, Бодрум, Анталья, Каппадокия, Чечек, Чешме, Фетхиеде үйлену тойларын өткізуді дәстүрге айналдырған. Аталған бағыттарда той иелеріне ақыл-кеңес беретін тәжірибелі мамандар жұмыс істейді. Олар тойдың маңызды бөлігінен ұсақ-түйегіне дейін жоспарлап, салтанатты кештің керемет өтуіне үлес қосады.

Үйлену тойының жұмағы саналатын Стамбұлда тарихы тереңге тартқан ескі әдет-ғұрыппен бірге заманауи үдерістер қатар өріледі. Түркияның ең ірі қаласы Стамбұлға Жер шарының түкпір-түікпірінен тікелей жеткізетін авиарейстер қарастырылған. Той-думанды түріктер елінде жоспарлайтын қонақтар Стамбұлға кез келген құрлықтан оңай сапарлайды. Жабық кеңістікте немесе ашық аспан астында 200-ден 2000 адамға дейін күтуге жағдай қарастырылған сәнді той салондарында ине шаншар жер болмайды.Қонақтарға көңіл көтеретін шаралармен бірге спа-орталықтар, массаж залдары, жасыл желекке малынған бақтары ұсынылады.

Стамбұлда қымбат қонақүйлерімен қатар Осман империясынан қалған тарихи сарайлары мен виллаларында үйлену тойын өткізуге мүмкіндік бар. Падишаһтары билік құрған Осман империясының кезеңіндегі салтанатын сол қалпында сақтаған сарайларда шаңырақ құруға талпынған жастар алғашқы қадамдарын басады. Бұл мәңгілікке есте қалатын ерекше сәттер екені анық. Эгей теңізінің жағалауына орналасқан Бодрумда салтанатты тойлар көп өтеді. Ашық аспан асты мен жабық кеңістікте 150 адамнан 1000-ға дейін қонақ күте алатын той залдарының бір біріне ұқсамайтын ерекшелігі бар. Барлық мекенде жас жұбайлардың кез келген арманын жүзеге асырады.